tum na mano magar haqiqat hai

tum na mano magar haqiqat hai
ishq insan ki zarurat hai
ji raha hun is e'timad ke sath
zindagi ko meri zarurat hai
husn hi husn jalwe hi jalwe
sirf ehsas ki zarurat hai
us ke wade pe naz the kya kya
ab dar-o-baam se nadamat hai
us ki mahfil mein baith kar dekho
zindagi kitni khub-surat hai
rasta kat hi jaega 'qabil'
shauq-e-manzil agar salamat hai
This is a great bura na mano shayari. True lovers of sirf tumse pyar shayari will love this. Please share if you liked this!!!