tut kar aalam-e-ajza mein bikharte hi rahe naqsh-e-tamir jahan ban ke bigadte hi rahe apne hi wahm-o-tazabzub the kharabi ka sabab ghar aqidon ke basae to ujadte hi rahe jaane kya baat hui mausam-e-gul mein ab ke pankh panchhi ke fazaon mein bikharte hi rahe chand yaadon ki panah-gah mein jaane kyun hum saya-e-sham ki manind simatte hi rahe hum ne har rang se chehre ko sajaya lekin apni pahchan ke aasar bigadte hi rahe