umr-e-rafta ki kahani kya hai ek tohmat hai jawani kya hai mere ashkon ki rawani dekhi tere khanjar ki rawani kya hai tere mahbub tabassum ka jawab meri aashufta-bayani kya hai raat rote hue guzregi zarur warna ye dil pe girani kya hai dushman-e-zist pe jaan deta hun aur jine ki nishani kya hai hath mein tegh hai bal chitwan par aaj ye aap ne thani kya hai ahd-e-piri mein rulati hai lahu hae kambakht jawani kya hai ek mauhum sa tufan-e-khudi kuchh nahin josh-e-jawani kya hai