us ne jab khusraw-e-parwez ki dhamki di hai
main ne bhi ishq-e-bala-khez ki dhamki di hai

main jo rakhta hun use dekh ke bhi hosh bahaal
us ki aankhon ne mai-e-tez ki dhamki di hai

wo jo dil dene se inkar kiya karta hai
main ne ek lams-e-dil-awez ki dhamki di hai

pad gai lazzat-e-azar ki aadat jo mujhe
tund-khu ne kaf-e-gul-rez ki dhamki di hai

main ne jab jab bhi kiya us se mazalim ka gila
us ne kuchh aur bhi mahmez ki dhamki di hai