wahi phir mujhe yaad aane lage hain
jinhen bhulne mein zamane lage hain
wo hain pas aur yaad aane lage hain
mohabbat ke hosh ab thikane lage hain
suna hai hamein wo bhulane lage hain
to kya hum unhen yaad aane lage hain
hatae the jo rah se doston ki
wo patthar mere ghar mein aane lage hain
ye kahna tha un se mohabbat hai mujh ko
ye kahne mein mujh ko zamane lage hain
hawaen chalin aur na maujen hi utthin
ab aise bhi tufan aane lage hain
qayamat yaqinan qarib aa gai hai
'khumar' ab to masjid mein jaane lage hain