wo mere samne malbus kya badalne laga
nigar khana-e-abr-o-hawa badalne laga

tah-e-zamin kisi azhdahe ne jumbish ki
bisat-e-khak pe manzar mera badalne laga

ye kaun utra pae-gasht apni masnad se
aur intizam-e-makan o sira badalne laga

hua hai kaun numudar tin samton se
ki andarun ka jazira-numa badalne laga

ye kaise din hain hamari zamin par 'sarwat'
gulon ka rang namak ka maza badalne laga