ye mein hun aur ye asnam mere
inhen jo nam do sab nam mere

hai in ki raushni mujh se bhi aage
main achchha mujh se achchhe kaam mere

na kar tu baat mujh se mausamon ki
ye mausam subh tere sham mere

dukan-e-khwab mein chehra-e-nigar hun
koi shayad chuka de dam mere

tamannaon ke zakhm izaon ke zakhm
yahi kuchh zakhm hain inam mere

main kya wirse mein dun aaindagan ko
bas un ke nam hain paigham mere