yun to kahne ke liye subh ke aasar bhi the main raha chup ki mere samne kohsar bhi the khauf se chikhne walon mein akela main tha log sahme hue lekin pas-e-diwar bhi the tez aandhi mein faqat hum gire aisa to nahin dur tak rah mein ukhde hue ashjar bhi the umr bhar jis ki talab ne rakha mahsur hamein hum hi us shahr-e-tilismat ke meamar bhi the tha hamin se kabhi tahzib-o-tamaddun ka waqar hum kabhi shakh-e-gul-e-tar kabhi talwar bhi the