hamein jawani mein maut aaegi
bhigte takiye ke sard sine pe

apni sanson mein garm banhon ki pyas le kar sulagne wali
har ek doshiza jaanti hai

ki aankh jab khwab ke sahife ko chat le gi
to nuh capsule se pukarega

pyare bete' aman mein aao
lo, main ne jo qabr umr ke belche se apne liye banai hai

us ki ranon mein
tum bhi apna badan sameto

tumhaare ek hath chand aur dusre pe suraj
ki maslahat ki craze qaem rahe

glamour tumhaare collar mein phul ban kar khile
ai bete, ye shahr uryaniyon mein nuchde-ga

aur is par azab daim hai