qatl-gah ki raunaq
hasb-e-haal rakhni hai

gham bahaal rakhna hai
jaan sambhaal rakhni hai

zor-e-bazu-e-qatil
intiha ka rakhna hai

dashna tez rakhna hai
aur bala ka rakhna hai

aur kya mere qatil
intizam baqi hai

koi baat honi hai
koi kaam baqi hai

waqt par nazar rakhna
waqt ek jada hai

han bata mere qatil
tera kya irada hai

waqt kam raha baqi
ya abhi ziyaada hai

main to qatl hone tak
muskurae jaunga