use haal-o-qal se wasta na gharaz maqam-o-qayam se jise koi nisbat-e-khas ho tere husn-e-barq-khiram se mujhe de rahe hain tasalliyan wo har ek taza payam se kabhi aa ke manzar-e-am par kabhi hat ke manzar-e-am se kyun kiya raha jo muqabla khatraat-e-gam-ba-gam se sar-e-baam-e-ishq-e-tamam tak rah-e-shauq-e-nim-tamam se na gharaz kisi se na wasta mujhe kaam apne hi kaam se tere zikr se teri fikr se teri yaad se tere nam se mere saqiya mere saqiya tujhe marhaba tujhe marhaba tu pilae ja tu pilae ja isi chashm-e-jam-ba-jam se teri subh-e-aish hai kya bala tujhe ai falak jo ho hausla kabhi kar le aa ke muqabla gham-e-hijr-e-yar ki sham se mujhe yun na khak mein tu mila main agarche hun tera naqsh-e-pa tere jalwe ki hai baqa mere shauq-e-nam-ba-nam se teri chashm-e-mast ko kya kahun ki nazar nazar hai fusun fusun ye tamam hosh ye sab junun isi ek gardish-e-jam se ye kitab-e-dil ki hain aayaten main bataun kya jo hain nisbaten mere sajda-ha-e-dawam ko tere naqsh-ha-e-khiram se mujhe chahiye wahi saqiya jo baras chale jo chhalak chale tere husn-e-shisha-ba-dast se teri chashm-e-baada-ba-jam se jo utha hai dard utha kare koi khak us se gila kare jise zid ho husn ke zikr se jise chidh ho ishq ke nam se wahin chashm-e-hur phadak gai abhi pi na thi ki bahak gai kabhi yak-ba-yak jo chhalak gai kisi rind-e-mast ke jam se tu hazar uzr kare magar hamein rashk hai aur hi kuchh 'jigar' teri iztirab-e-nigah se tere ehtiyat-e-kalam se