banhon mein yar ho, koi fursat ki sham ho

banhon mein yar ho, koi fursat ki sham ho
aur bargah-e-ishq-alaihis-salam ho
chamki hui ho mausam-e-sarma ki ek dopahar
khush-sabz raston mein koi ham-khiram ho
chuma tha main ne jis ko, ijazat ki ek sham
us kakul-e-siyah ka bahut ehtimam ho
lab ho kisi bahaar-e-muambar se bosa-yab
aur us ke shukr mein koi honton ka jam ho
mahki hui milo kisi chahat ki yaad se
chahat ka chahe mere alawa bhi nam ho
This is a great zee salam shayari. True lovers of dopahar shayari in hindi will love this. Please share if you liked this!!!