kabhi jhuTe sahaare gham mein ras aaya nahin karte

kabhi jhute sahaare gham mein ras aaya nahin karte
ye baadal ud ke aate hain magar saya nahin karte
yahi kante to kuchh khuddar hain sehn-e-gulistan mein
ki shabnam ke liye daman to phailaya nahin karte
wo le len gosha-e-daman mein apne ya falak chun le
meri aaankhon mein aansu bar bar aaya nahin karte
saliqa jin ko hota hai gham-e-dauran mein jine ka
wo yun shishe ko har patthar se takraya nahin karte
jo qimat jaante hain gard-e-rah-e-zindagani ki
wo thukrai hui duniya ko thukraya nahin karte
qadam mai-khana mein rakhna bhi kar-e-pukhta-karan hai
jo paimana uthate hain wo tharraya nahin karte
'nushur' ahl-e-zamana baat puchho to larazte hain
wo shaer hain jo haq kahne se katraya nahin karte
This is a great jhute pyar ki shayari. True lovers of thukraya shayari will love this. Shayari is the most beautiful way to express yourself and this pashto shayari images is truly a work of art. Please share if you liked this!!!