pas aa kar chala gaya koi hanste hanste rula gaya koi dil ki duniya mein aa gaya koi dard ban kar sama gaya koi yun bahaar aai aur chali bhi gai jaise aa kar chala gaya koi dard-e-ulfat se aashna kar ke mujh se aankhen chura gaya koi phir nazar mein bahaar raqsan hai phir tasawwur pe chha gaya koi hae re meri nim-bedari aate aate chala gaya koi raaz-e-ulfat na chhup saka 'nayyar' aankhon aankhon mein pa gaya koi