aasan har ek ho gai mushkil mere liye jis din se mohtaram hua qatil mere liye main wahshaton mein dasht-o-bayaban ki ho gai muddat se multamis hai mera dil mere liye yun raston se in dinon dilchaspiyan badhin qadmon ki khak ho gai manzil mere liye aasaniyan nazar ko bacha kar chali gain thahre rahe tamam masail mere liye aawaz mere haq mein ye kis ne uthai hai is bhid mein ye kaun hai aadil mere liye ye aur baat hai ki tujhe kuchh khabar nahin 'mina' tera khayal hai kaamil mere liye