afsana-ha-e-dard sunate chale gae khud roe dusron ko rulate chale gae bharte rahe alam mein fusun-e-tarab ka rang in talkhiyon mein zahr milate chale gae apne niyaz-e-shauq pe tha zindagi ko naz hum zindagi ke naz uthate chale gae har apni dastan ko kaha dastan-e-ghair yun bhi kisi ka raaz chhupate chale gae main jitna un ki yaad bhulata chala gaya wo aur bhi qarib-tar aate chale gae