apne qadmon hi ki aawaz se chaunka hota yun mere pas se ho kar koi guzra hota chandni se bhi sulag uthta hai virana-e-jaan ye agar jaante suraj hi ko chaha hota zindagi khwab-e-pareshan hai bahaar ek khayal in ko milne se bahut pahle ye socha hota dopahar guzri magar dhup ka aalam hai wahi koi saya kisi diwar se utra hota ret ud ud ke hawaon mein chali aati hai shahr-e-arman sar-e-sahra na basaya hota aarzu umr-e-gurezan to nahin tum to nahin ye sarakta hua lamha kahin thahra hota pichhe pichhe koi saya sa chala aata tha hae wo kaun tha mud kar use dekha hota tujh se yak go na talluq mujhe ek umr se tha zindagi tu ne hi badh kar mujhe roka hota jaane kya soch ke logon ne bujhae hain charagh raat katti to sahar hoti ujala hota apne daman ko jala kar main charaghan karta agar is rakh mein 'akhtar' koi shoala hota