din ko the hum ek tasawwur raat ko ek khwab the hum samundar ho ke bhi is ke liye payab the sard se marmar pe shab ko jo ubhaare the nuqush subh ko dekha to sab aks-e-hunar nayab the wo ilaqe zindagi-bhar jo nami manga kiye kal ghataen chhain to dekha ki zer-e-ab the ek kiran bhi ahd mein un ke na bhule se mili din ke jo suraj the apne raat ke mahtab the aaj un pedon pe suraj ki kiran rukti nahin kal yahi the bar-awar kal yahi shadab the ab khula ki bundiyan moti hain dhalti thin kahan hum jo dube hath apne gauhar-e-nayab the koi apni bhi haqiqat mil ke dariya se 'shafaq' chhote chhote apne nale kis qadar betab the