kab panw figar nahin hote kab sar mein dhul nahin hoti teri rah pe chalne walon se lekin kabhi bhul nahin hoti sar-e-kucha-e-ishq aa pahunche ho lekin zara dhyan rahe ki yahan koi neki kaam nahin aati koi dua qubul nahin hoti har-chand andesha-e-jaan hai bahut lekin is kar-e-mohabbat mein koi pal bekar nahin jata koi baat fuzul nahin hoti tere wasl ki aas badalte hue tere hijr ki aag mein jalte hue kab dil masruf nahin rahta kab jaan mashghul nahin hoti har rang-e-junun bharne walo shab-bedari karne walo hai ishq wo mazduri jis mein mehnat bhi wasul nahin hoti