kaisi chali hai ab ke hawa tere shahr mein bande bhi ho gae hain khuda tere shahr mein tu aur harim-e-naz mein pa-basta-e-hina hum phir rahe hain aabla-pa tere shahr mein kya jaane kya hua ki pareshan ho gai ek lahza ruk gai thi saba tere shahr mein kuchh dushmani ka dhab hai na ab dosti ka taur donon ka ek rang hua tere shahr mein shayad tujhe khabar ho ki 'khatir' tha ajnabi logon ne us ko lut liya tere shahr mein