kharch jab ho gai jazbon ki raqam aap hi aap khul gaya hum pe hasinon ka bharam aap hi aap ab ke ruthe to manane nahin aaya koi baat badh jae to ho jati hai kam aap hi aap roz badhta tha koi dast-e-talab apni taraf sar se hota hoga ek bojh bhi kam aap hi aap un ke wadon pe koi din to guzara kije aap ban jaenge taswir-e-alam aap hi aap jaise bujhta hai koi phul sharara ban kar husn ki aanch bhi ho jaegi kam aap hi aap aabginon ki tarah tut gaya tut gaya khwab-e-yusuf mein zulekha ka bharam aap hi aap shakh-e-tanhai se phal todenge chupke chupke ishq ke ye bhi maze lutenge hum aap hi aap der tak chhai rahi ek udasi dil par jaane kya soch ke phir hans diye hum aap hi aap main kahan aaya hun lae hain teri mahfil mein meri wahshat mere majbur qadam aap hi aap