mail hun gul-badan ka mujhe gul sin kya gharaz
kakul mein us ke band hun sumbul sin kya gharaz

khunin dilon ke qatl kun sidhi nigah bas
is tegh kun fasan-e-taghaful sin kya gharaz

ruswai-e-jahan sin mujhe fikr kuchh nahin
diwana-e-junun kun tammul sin kya gharaz

bas hai ghubar-e-rah-e-libas-e-shahanshahi
sultan-e-be-khudi kun tajammul sin kya gharaz

jam mai-e-alast sin be-khud hun ai 'siraj'
daur-e-sharab-o-shisha-e-pur-mul sin kya gharaz