main harf dekhun ki raushni ka nisab dekhun
magar ye aalam ki tahniyon par gulab dekhun

purane khwabon se reza reza badan hua hai
ye chahta hun ki ab naya koi khwab dekhun

ye raste to meri hatheli ke tarjuman hain
main in lakiron mein zindagi ki kitab dekhun

murajat ka safar to mumkin nahin raha hai
main chalta jaun ki mausamon ka azab dekhun

main apni taswir dekh kar mutmain kahan hun
wo din bhi aae lahu ko jab kaamyab dekhun