rahta to hai us bazm mein charcha mere dil ka achchha hai ye achchha ho na sauda mere dil ka hai josh-e-qalaq marka-ara mere dil ka hangama hai dil par mere barpa mere dil ka hai sair nigahon mein shabistan adu ki kya mujh se chhupate ho tamasha mere dil ka ek mashghala thahri hai tumhein ranjish-e-beja ek khel hua tum ko satana mere dil ka be-khud hun tasawwur mein kisi barq-e-ada ke sarmaya-e-taskin hai tadapna mere dil ka barbaad na jaegi 'zahir' apni musibat aakhir to kahin sabr padega mere dil ka