umr bhar ba-asani bar-e-gham uthane se un pe e'tibar aaya khud ko aazmane se is hujum mein tujh ko kya khabar hui hogi kis ko kya talluq tha tere aastane se yun salam aane par ek khalish si hoti hai kash hum ko bulwate wo kisi bahane se han to un ki khatir se kyun tarawashen karte jis tarah wahan guzri kah gae zamane se jab bhi bazm-e-alam mein koi fitna uthta hai ya tumhaari mahfil se ya gharib-khane se silsila yahi hoga rukh badalte jaenge main teri haqiqat se tu mere fasane se