us ki ruswai mein kuchh hath mera hai to sahi kuchh na kuchh mujh mein bhi andaz-e-jafa hai to sahi raat furqat ki shab-e-tar si lagti hai to kya ek ummid ka aankhon mein diya hai to sahi ajnabiyyat ka wo ehsas dilata hai magar ab bhi guftar mein ek rang-e-wafa hai to sahi ek muddat se jo khamosh tamashai hain un nigahon mein koi khwab saja hai to sahi pesh-khema kisi tufan ka ho sakta hai is khamoshi mein koi raaz chhupa hai to sahi