wahi rate hue jumle ugal raha hun abhi
giraft-e-harf se bahar nikal raha hun abhi

wo ek tu ki hawa ki tarah guzar bhi chuka
wo ek main ki faqat hath mal raha hun abhi

meri numud kisi jism ki talash mein hai
main raushni hun andheron mein chal raha hun abhi

kushada barg rahen hijr ke ghane sae
tere visal ke sahra mein jal raha hun abhi

sahar ke rang meri rakh se janam lenge
'najib' raat ki aankhon mein jal raha hun abhi