waqt ki intiha talak waqt ki jast 'amir-imam' hast ki bud 'amir-imam' bud ki hast 'amir-imam' hijr ka mahtab hai nind na koi khwab hai tishna-labi sharab hai nashshe mein mast 'amir-imam' sakht bahut hai marhala dekhiye kya ho faisla tegh-ba-kaf haqiqaten qalb-ba-dast 'amir-imam' zakhm bahut mile magar aaj bhi hai uthae sar dekh jahan-e-fitna-gar teri shikast 'amir-imam' us ke tamam ham-safar nind ke sath ja chuke khwab-kade mein rah gaya khwab-parast 'amir-imam'