yun ek sabaq-e-mehr-o-wafa chhod gae hum har rah mein naqsh-e-kaf-e-pa chhod gae hum duniya tere qirtas pe kya chhod gae hum ek husn-e-bayan husn-e-ada chhod gae hum mahaul ki zulmat mein jis rah se guzre qindil-e-mohabbat ki ziya chhod gae hum begana rahe dard-e-mohabbat ki dawa se ye dard hi kuchh aur siwa chhod gae hum thi samne aalaish-e-duniya ki bhi ek rah wo khubi-e-qismat se zara chhod gae hum ek husn-e-dakan tha ki nigahon se na chhuta har husn ko warna ba-khuda chhod gae hum