ghusl-e-tahaarat ke liye duba ufuq mein aaftab
afrokhta qindil apni hath mein apne liye

rahibana raat phirti hai
falak par sogwar

justuju se shal hain ab
chappu chalate hath mah o sal ke

be-sabr, jhuk kar hath se apne fana
wast-e-samandar mein uthati hai bhanwar

hoti hai mohlat khatm
ab to parda-e-ikhfa utha

mere muqaddas khwab ki tabir tu
apni jhalak mujh ko dikha de ek bar

ki chhin lene ko fana hai mujh se tera intizar