shahr-e-dil sulga to aahon ka dhuan chhane laga

By

shahr-e-dil sulga to aahon ka dhuan chhane laga
shabnami aanchal magar yaadon ka lahrane laga
sham-e-tanhai mein bhi ek shakhs ki yaadon ka sath
rang apne gham ke viranon ka sanwlane laga
tham kar baitha raha main chandni ka narm hath
jab andhera zulf ka mahaul par chhane laga
dasht-e-tanhai mein ji chaha use aawaz dun
jab pukara khud sada se apni takrane laga
sham hi se jal uthe jab us ki yaadon ke charagh
chhanw mein taron ki shab par bhi nikhaar aane laga

salib lad ke kandhe pe chal raha hun main

By

salib lad ke kandhe pe chal raha hun main
hisar-e-zat se bahar nikal raha hun main
hayat dhundhti phirti hai mujh ko sar-gardan
adhura jism liye rukh badal raha hun main
bana diya hai zamane ne mujh ko patthar sa
ki zarb-e-tesha se aatish ugal raha hun main
meri nigah mein duniya chita ki rakh si hai
isi khayal ke shoalon mein jal raha hun main
bula rahi hai mujhe apne ghar ki virani
miyan-e-shor-e-salasil machal raha hun main
zamana dhundega mujh ko dur-e-sadaf ki tarah
ki bund bund samundar mein dhal raha hun main

sab gharon mein to charaghon ka ujala hoga

By

sab gharon mein to charaghon ka ujala hoga
lekin afsurda faqat raat ka chehra hoga
sari parchhaiyan goshon mein dubak jaengi
suraj ubhrega to ye ganw akela hoga
hum to wabasta rahe gham se wafa ke mare
gham ne kya jaaniye kyunkar hamein chaha hoga
jab khili hongi tamanna ke shajar par kaliyan
dasht-e-ummid mein tufan sa uttha hoga
koi saya sa hai chup chap dariche mein khada
apni ulfat ka hi shayad wo hayula hoga

kahan kahan se nigah usko DhunD lae hai

By

kahan kahan se nigah us ko dhund lae hai
kisi ke sath sahi wo nazar to aae hai
falak se jaise sitara zamin par utre
meri gali mein wo mahshar khiram aae hai
faza-e-fikr mein wo chand ban ke chamka hai
shab-e-firaq ki rangat badalti jae hai
khuda gawah khuda to nahin wo shakhs magar
usi ka nam mukarrar labon pe aae hai
kahan kahan na jalae nawazishon ke charagh
mujhi ko ghor andhere mein chhod jae hai
wo baat zehn mein jis se kuchh intishaar sa hai
wo baat sher ke sanche mein dhalti jae hai

jo dur se hamein akasr KHuda sa lagta hai

By

jo dur se hamein akasr khuda sa lagta hai
wahi qarib se kuchh aashna sa lagta hai
kabhi hamari nigahon se dekh le us ko
phir us ke baad bata tujh ko kaisa lagta hai
tamam raat jale din ko sard-mehr bane
badan ka shahr bhi shahr-e-ana sa lagta hai
wo us ki sahmi si chahat jafa ki chilman mein
wo bewafa bhi hamein ba-wafa sa lagta hai
bikharte tutte in zist ke makanon mein
wo ek makan hamein khushnuma sa lagta hai
salib-o-dar pe chadh kar hue hain la-fani
ye dast-e-marg bhi dast-e-dua sa lagta hai

hamare jism ne jis jism ko bulaya hai

By

hamare jism ne jis jism ko bulaya hai
wo ruh ban ke khada dur muskuraya hai
pata chala kabhi shahr-e-ana wahin par tha
jahan khandar pe naya shahr ab basaya hai
hayat naw hai kaghaz ki barha jis par
udaya aandhiyon ne sail ne bahaya hai
jis aaine pe dhundlakon ne khinch di chilman
usi ne aks hamara hamein dikhaya hai
koi khada hai dar-e-dil pe muntazir kab se
mahakti sanson ne aa kar hamein bataya hai