Dasht-e-dariya ke ye us paar kahan tak jaati?
ghar ki deewar thi, deewar kahan tak jaati?

mit gai hasrat-e-deedar bhi rafta rafta,
hijr mein ye husrat-e-deedar kahan tak jaati?

thak gaye honth bhi tera naam lete lete,
ek hi lafz ki ye tukraar kahan tak jaati?

tu bohat door bohat door gaya tha mujhse,
meri aawaz mere yaar kahan tak jaati?

har taraf husn ke baazar lage the,
meri ye chashm-e-khareedar kahan tak jaati?