Sauda hamara kabhi bazaar tak nahi pahucha
ishq tha jo kabhi izhaar tak nahi pahucha

yun to guftagoon bahut huyi unse fir bhi
silsila kabhi ye pyaar tak nahi pahucha

jaane kaise ho gaya waakif tamaam shahar
daastan-e-ishq yun to kabhi akhbaar tak nahi pahucha

sharte ek dusare ki manzoor thi yun to
par masauda hamara kabhi karaar tak nahi pahucha

gahrayi dosti ki main naapta bhi kaise
rishta hamara kabhi taqraar tak nahi pahuncha

anaa meri mujhe izazat nahi deti
faqat isliye'main'darbar tak nahi pahucha