Ye waqt-e-rafta ki raanaiyon ki karri hai,

insaan ki ghatti qadar waqt ki barhi hai,

khapta hun zinda rehny ko main lamha ba lamha,

rooh hai bistar-e-marg tujhy jaan ki parri hai,

samandar sy nahi gharaz hai qatra meri pyaas,

idhar boond ko tarsoon udhar barkha ki jharri hai,

rawaan hon lamby safr py zindagi ki musaafat my,

har pal hai naya rasta har lamha manzil kharri hai,

karen bhi fakhr to kis baat py karen,

zindagi apni chandd sansoon my arri hai,

kurhh'taa hai 'jeevan' kiyun naalan hai taqdeer sy,

baat koi nayi nahi ye addan ki larri hai.