aae hain 'mir' munh ko banae khafa se aaj shayad bigad gai hai kuchh is bewafa se aaj washud hui na dil ko faqiron ke bhi mile khulti nahin girah ye kaso ki dua se aaj jine mein ikhtiyar nahin warna ham-nashin hum chahte hain maut to apni khuda se aaj saqi tak ek mausam-e-gul ki taraf bhi dekh tapka pade hai rang chaman mein hawa se aaj tha ji mein us se maliye to kya kya na kahiye 'mir' par kuchh kaha gaya na gham-e-dil haya se aaj