aandhiyan shor machati hain ki tari hui raat
aag raushan hui sine mein to jari hui raat

ajnabi shahr mein kuchh khauf sa mahsus hua
odh li main ne khamoshi se utari hui raat

apne sine se guzarte hue har subh ke baad
laut aati hai mere jism mein haari hui raat

jaane kis raat ke honton se pukara gaya main
aaj bhi gunjti rahti hai pukari hui raat

bijliyan daudti phirti hain rag-o-pai mein tamam
zehn mein rengti rahti hai guzari hui raat