aane ko to baalin par wo jaan-e-bahaar aaya
lekin dil-e-muztar ko phir bhi na qarar aaya

har rahbar-e-manzil se puchha hai nishan tera
kar mujh pe yaqin tujh ko har samt pukar aaya

andaz-e-taghaful par ghussa tha bahut lekin
wo samne jab aae be-sakhta pyar aaya

ai ahl-e-khirad tum ne ulta na naqab un ka
aur mera junun ja kar zulfon ko sanwar aaya

the meri tabiat par jo bar 'kalim' ab tak
paband-e-khirad rah kar wo din bhi guzar aaya