aankh se nikla to ek sail-e-rawan ho jaega warna ehsas-e-mohabbat raegan ho jaega ye muqayyad rah saka hai kab kisi zindan mein ishq khushbu hai zamane par ayan ho jaega jism ki dahliz par dastak si hai mahtab ki kya badan is raat mera aasman ho jaega umr ke ek daur mein yaad aaega sahra ka sath ye safar jo hai haqiqat dastan ho jaega kaun jita kaun haara hai bulandi kis ke nam tujh pe zahir ek din nok-e-sinan ho jaega umr-bhar khud ko jalaya hum ne ye hi soch kar ek din raushan hamara bhi makan ho jaega saf kah dega hikayat chehra-e-ayyar ki aaina kaise kisi ka ham-zaban ho jaega