![](http://cdn.pagalshayari.com/images/ghazal/aashna-gham-se-mila-rahat-se-begana-mila-kaleem-aajiz-ghazal-english.jpg)
aashna gham se mila rahat se begana mila dil bhi hum ko khubi-e-qismat se diwana mila bulbul-o-gul sham-o-parwana ko hum par rashk hai dard jo hum ko mila sab se juda-gana mila hum ne saqi ko bhi dekha pir-e-mai-khana ko bhi koi bhi in mein na raaz-agah-e-mai-khana mila sab ne daman chaak rakkha hai ba-qadr-e-ehtiyaj hum ko diwanon mein bhi koi na diwana mila hum to khair aashufta-saman hain hamara kya sawal wo to sanwaren jin ko aaina mila shana mila kya qayamat hai ki ai 'ajiz' hamein is daur mein taba shahana mili mansab faqirana mila
This is a great gana shayari hindi. Please share if you liked this!!!