aawegi meri qabr se aawaz mere baad
ubhrenge ishq-e-dil se tere raaz mere baad

jina mera to tujh ko ghanimat hai na-samajh
khinga kaun phir ye tere naz mere baad

sham-e-mazar aur ye soz-e-jigar mera
har shab karenge zindagi na-saz mere baad

hasrat hai is ke dekhne ki dil mein be-qayas
aghlab ki meri aankhen rahen baz mere baad

karta hun mein jo nale sar-anjam bagh mein
munh dekho phir karenge hum aawaz mere baad

bin gul moh hi mein to pe to ja ke lotiyo
sehn-e-chaman mein ai par-e-parwaz mere baad

baitha hun 'mir' marne ko apne mein mustaid
paida na honge mujh se bhi jaanbaz mere baad