ab koi chaara-saz hai bhi nahin
chhodo umr-e-daraaz hai bhi nahin

sochta hun bata hi dun sab ko
ab tera raaz raaz hai bhi nahin

mir ki is ghazal mein bas tum ho
dusra nim-baz hai bhi nahin

aap jab chahen tod sakte hain
dil pe ab mujh ko naz hai bhi nahin

gham ghalat ho gae hon ya maula
warna ab to majaz hai bhi nahin

zindagi khud riyaz hai apna
aur koi riyaz hai bhi nahin

chaara-sazo tasalliyan kar lo
dil mein ab koi raaz hai bhi nahin