ab mariz-e-gham-e-ulfat ka khuda hafiz hai
kah ke chalta hua allah nigahban koi

ai sitamgar hai meri jaan tera har arman
dam nikalta hai nikalta hai jo arman koi

ab to har dam kisi wahshi ko hai sahra ka khayal
sath apne liye phirta hai bayaban koi

dard uthta hai mere dil mein bara-e-tazim
us taraf se kabhi aata hai jo paikan koi

aaina un ko dikha kar ye kaha main ne 'jigar'
ab na kahna ki hai kyon husn ka hairan koi