ab sochiye to dam-e-tamanna mein aa gae diwar o dar ko chhod ke sahra mein aa gae taswir the jo awwalin sarshaariyon mein log wo zakhm ban ke chashm-e-tamanna mein aa gae un se bhi puchhiye kabhi apni zamin ka karb jo sahilon ko chhod ke dariya mein aa gae wahshat ne yun to khub diya har qadam pe sath lekin tere fareb-e-dil-ara mein aa gae is anjuman mein anjum o zohra bhi the magar hum shab-guzida sehr-e-surayya mein aa gae