ab us ka wasl mahnga chal raha hai to bas yaadon pe kharcha chal raha hai mohabbat do-qadam par thak gai thi magar ye hijr kitna chal raha hai bahut hi dhire dhire chal rahe ho tumhaare zehn mein kya chal raha hai bas ek hi dost hai duniya mein apna magar us se bhi jhagda chal raha hai dilon ko todne ka fan hai tum mein tumhaara kaam kaisa chal raha hai sabhi yaron ke maqte ho chuke hain hamara pahla misra chal raha hai ye 'tabish' kya hai bas ek khota sikka magar ye khota sikka chal raha hai