abhi dil mein gunjti aahaten mere sath hain tu nahin hai aur teri dhadkanen mere sath hain tu ne ek umr ke baad puchha hai haal-e-dil wahi dard-o-gham wahi hasraten mere sath hain tere sath guzre hasin lamhon ki shokhiyan wahi rang-o-bu wahi raunaqen mere sath hain mere panw mein hain zamin ki sabhi gardishen sabhi aasman ki sazishen mere sath hain mere zehn mein hain mohabbaton ke wo raat din wo aziyyaten wo nawazishen mere sath hain jo bichhadte lamhon 'shumar' tu ne kiye bahut wo tamam shikwe-shikayaten mere sath hain