adawaton se mohabbat ka gham nikalte hain
hum apne dil ko bhi marzi se kab uchhaalte hain

ye puri duniya hi behosh ho gai hai bhala
hamein khabar hi nahin kis ko kab sambhaalte hain

jahan jahan bhi zarurat padi mohabbat ki
hum apne khun ko paikar mein bhar hi dhaalte hain

khud aise dost rakkhe hain ki jo wafa na karen
hum apne shauq se zahrile sanp palte hain

ye mai-kade ki riwayat ajab lagi 'bushra'
jo girne lagta hai us ko nahin sambhaalte hain