adhura rah gaya majnun se istifada mera so phir se dasht ko jaane ka hai irada mera ajib shakh thi sandal ki mujh se kahti thi bajae surma lagaya karo burada mera zaruraton ki kifalat usi ke zimme hai jise khayal hai mujh se kahin ziyaada mera shaikh-e-nigah teri haziri ko chal niklun hawa-e-tauba sukha de agar labaada mera tere nisar tere lutf-e-khas ke qurban ki tere hath ne rakkha hai dil kushada mera