agar kuchh thi to bas ye thi tamanna aakhiri apni ki wo sahil pe hote aur kashti dubti apni hamein to sham-e-gham mein katni hai zindagi apni jahan wo hon wahin ai chand le ja chandni apni na hai ye iztirab apna na hai ye be-khudi apni teri mahfil mein shayad bhul aaya zindagi apni wahin chaliye wahin chaliye mohabbat ka taqaza hai wo mahfil hae jis mahfil mein duniya lut gai apni munasib ho to ai zalim ghadi bhar ke liye aa ja bujhana hai tere daman se sham-e-zindagi apni