agar sawal wo karta jawab kya leta
ye gham usi ne diya tha hisab kya leta

bahut hujum tha tabir ki dukanon par
hamin the warna koi jins-e-khwab kya leta

hamare ahd mein arzani-e-naqab na puchh
main kor chashmon ki khatir naqab kya leta

furaat aaj rawan hai yazid pyasa hai
ye pyas koi bujha kar sawab kya leta

are jise waraq-e-chehra-chehra yaad ho 'shaz'
bhala wo aadmi daras-e-kitab kya leta