ai chaara-saz kahish-e-dard-e-nihan na puchh kuchh aur puchh mujh se meri dastan na puchh sab kuchh hua hai dost jahan-e-kharab mein ahwal-e-gulsitan karam-e-baghban na puchh kya maslahat thi kis liye majbur ho gae kyon ruk gai hai aa ke labon par fughan na puchh guzre hain lakh hadse rah-e-hayat mein kya kya bataun qissa-e-umr-e-rawan na puchh mazi ke naqsh zehn mein baqi nahin rahe tha kis jagah chaman mein mera aashiyan na puchh